Thought for the day.

 श्री सूर्य स्तुती ( Shri Surya Stuti )

जयाच्या रथा एकची चक्र पाही | नसे भूमि आकाश आधार कांही ||

असे सारथी पांगुळा ज्या रथासी | नमस्कार त्या सूर्यनारायणासी || १ ||

करी पद्म माथां किरीटी झळाळी | प्रभा कुंडलांची शरीरा निराळी ||

पहा रश्मि ज्याची त्रिलोकासी कैसी | नमस्कार त्या सुर्यनारायणासी || २ ||

सहस्रद्वये दोनशे आणि दोन | क्रमी योजने जो निमिषार्धतेन ||

मन कल्पवेना जयाच्या त्वरेसी | नमस्कार त्या सुर्यनारायणासी || ३ ||

विधीवेदकर्मासी आधारकर्ता | स्वधाकार स्वाहादि सर्वत्र भोक्ता ||

असे अन्नदाता समस्तां जनांसी | नमस्कार त्या सुर्यनारायणासी || ४ ||

युगें मंत्रकल्पांत ज्याचेनि होती | हरीब्रम्हरुद्रादि ज्या बोलिजेती ||

क्षयांती महाकाळरूप प्रकाशी | नमस्कार त्या सुर्यनारायणासी || ५ ||

शशी तारका गोवुनी जो ग्रहाते | त्वरें मेरू वेष्टोनिया पुर्वपंथे ||

भ्रमें जो सदा लोक रक्षावयासी | नमस्कार त्या सुर्यनारायणासी || ६ ||

समस्ता सुरांमाजी तू जाण चर्या| म्हणोनिच तू श्रेष्ठ त्या नाम सूर्या ||

दुजा देव तो दाखवी स्वप्रकाशी | नमस्कार त्या सुर्यनारायणासी || ७ ||

महामोह तो अंधकारासि नाशी | प्रभा शुद्ध सत्वाची अज्ञान नाशी ||

अनाथां कृपा जो करी नित्य ऐसी | नमस्कार त्या सुर्यनारायणासी || ८ ||

कृपा ज्यावरी होय त्या भास्कराची | न पाहू शके शत्रु त्याला विरंची ||

उभ्या राहती सिद्धी होऊनी दासी || नमस्कार त्या सुर्यनारायणासी || 9 ||

फळे चंदने आणि पुष्पेकरोनी || पूजावें बरे एकनिष्ठा धरोनी ||

मानी इच्छिले पाविजे त्या सुखासी | नमस्कार त्या सुर्यनारायणासी || १० ||

नमस्कार साष्टांग बापा स्वभावे | करोनी तया भास्करालागि ध्यावे |

दरिद्रे सहस्त्रादी जो क्लेश नाशी | नमस्कार त्या सुर्यनारायणासी || ११ ||

वरी सुर्य आदित्य मित्रादि भानू | विवस्वान इत्यादीही पादरेणू |

सदा वांछिती पूज्य ते शंकरासी | नमस्कार त्या सुर्यनारायणासी || १२ ||

नमस्कार त्या सुर्यनारायणासी

नमस्कार त्या सुर्यनारायणासी

नमस्कार त्या सुर्यनारायणासी 

to listen audio of this Surya Stuti Subscribe my Youtube channel @mangal-sanskar or click on the link 
https://www.youtube.com/@mangal-sanskar

Thank you keep reading....